Man Utd dhe PSG pas Di Marias

Futbollisti i Real Madridit, Angel Di Maria, mund të përfundoj në ndonjë skuadër tjetër për stinorin e ri.

Për shërbimet e mesfushorit argjentinas janë hedhur në sulm Manchester United dhe PSG, të cilët janë në bisedime me ekipin madrilen për të arritur marrëveshje.

Sipas të përditshmes spanjolle AS, që të dyjat janë të gatshëm të paguajnë 60 milionë euro për kartonin e Di Marias.

Në lidhje me të ardhmen e tij, ka dyshime edhe argjentinasi, i cili megjithatë shton se është i lumtur në Madrid.

“Nuk di nëse do të qëndroj në Madrid. Jam i lumtur këtu, por do të shoh se çka do të ndodhë,” ka thënë Di Maria, transmeton faqja tribalfootball.

Përveç Manchester Unitedit dhe PSG-së, për Di Marian interesim kanë shprehur edhe Arsenal, Manchester City dhe Monaco, mirëpo këta tre të fundit kanë refuzuar të shpenzojnë më shumë se 50 milionë për futbollistin në fjalë.