CRYSTAL - UNITED
Ibra nuk ndalet, United fiton
14 December, 2016 @23:03
Pas fitores ndaj Tottenhamit në fundjavë, Manchester United e ka vazhduar ecurinë pozitive duke shënuar fitore të rëndësishme në takimin e luajtur ndaj Crystal Palacet në ‘Selhurst Park’.
United e mbylli pjesën e parë me epërsi minimale me golin e francezit Paul Pogba, ndërsa Crystal nuk u dorëzua dhe barazoi në pjesën e dytë. E kur u mendua se United do të lëshonte pikë përsëri, në skenë doli përsëri Zlatan Ibrahimovic, i cili shënoi me të majtën për golin e fitores pas një super asistimi nga Paul Pogba.
Ky ishte goli i 14 sezonal për suedezin Ibrahimovic, ndërsa i teti në 8 ndeshjet e fundit.
Kjo fitore e mban edhe më tutje në pozitën e gjashtë Unitedin, që po afrohet dalëngadalë drejt skuadrave të para.
