Inter i furishëm

Skuadra e Walter Mazzarit, Inter, ka treguar seriozitetin sot në mesditë në ndeshje ndaj Sassuolos. Kaltërezinjtë e Milanos kanë shënuar fitore të thellë të zhargonit bastoreskt, 7+, duke e mposhtur ekipin e ardhur nga Serie B, 0-7, në Stadio Citta del Tricolore të Sassuolos. 

Golat e Interit kanë pasur nënshkrimin argjentias sot, pasi që pesë nga shtatë golat erdhën nga latinoamerikanët e neroazzurrëve. Rodrigo Palacio, Diego Milito (2), Esteban Cambiasso, Ricky Alvarez shënuan nga kontigjenti tango, ndërsa një autogol dhe një gol i Saphir Taiderit përmbyllën rezultatin e ndeshjes. 

Me këtë fitore Inter ka dalë në krye të Serie A-së, së paku derisa të përfundojnë të gjitha ndeshjet e kësaj xhiroje në Itali. Prej katër xhirove të para, përveç një barazimi ndaj Juventusit kampion, Inter të gjitha ndeshjet tjera i ka fituar.