ZIKALTËRIT MBAJNË KRYESIMIN
Inter përtej parashikimeve
12 December, 2015 @22:11
Djemtë e Mancinit nuk e kanë ndërmend të dorëzohen. Një sezon që filloi me synime për top 3-shen evropiane, doli që të jetë edhe më i bukur për interistat. Inter tash e sa javë ndodhet lart në tabelë dhe çdo ditë e më tepër po i tejkalon pritshmëritë.
Dy golat e kapitenit Icardi, një gol nga Jovetic dhe një gol nga Brozovic bënë që Interi të vazhdojë kryesimin e Serie A pas 16 ndeshjeve të luajtura. Një mbrojtje e fortë, një super Handanovic dhe një sulm cinik i mundësojnë Mancinit që t’i pres festat e fundvitit, i lumtur.
Ndoshta është ende herët të flitet për fundin e sezonit, mirëpo shenjat duken të mira për neroazzurët.
