LAZIO - INTER
Interi në Champions League!
20 May, 2018 @22:50
Për herë të parë që nga sezoni 2011/2012, Interi do të jetë pjesëmarrës në Champions League sezonin e ardhshëm!
Në ndeshjen vendimtare të sezonit, zikaltërit shënuan fitore 2-3 ndaj Lazios në Romë, për ta përmbyllur kështu sezonin në vendin e katërt dhe për t’u kualifikuar në Champions League.
Lazio i Strakoshës ishte dy herë në epërsi, mirëpo Interi nuk u dorëzua dhe përmbysi gjithçka, për ta shënuar kështu një fitore tejet të madhe, që e rikthen në garën më të madhe evropiane për klube pas 7 viteve.
Përveç Interit, në Champions League nga Serie A do të shkojnë edhe Juventusi, Napoli e Roma, derisa Lazio me Milanin e Atalantan do ta përfaqësojnë Italinë në Europa League.
