PRISHTINA - DRITA
BOROZANI
Në Pejë për titullin kampion
20 May, 2018 @11:03
E gjithë vëmendja në Pejë!
Me fillim nga ora 16:00, sot zhvillohet ndeshja më e rëndësishme e sezonit 2017/2018 në Superligën e Kosovës në futboll. Mes vete përballen Prishtina dhe Drita, në një takim i cili do ta përcaktojë kampionin e ri të Kosovës.
Drita aktualisht i prin kampionatit me 3 pikë më tepër se Prishtina dhe sipas përballjeve direkte, Prishtinës për ta fituar titullin sot i duhet një fitore me minimum dy gola epërsi, derisa Dritës i mjafton çdo rezultat tjetër për ta dërguar trofeun në Gjilan.
Për shkak se ndeshja zhvillohet në stadiumin “Shahin Haxhiislami” në Pejë, Dritës si skuadër mysafire i kanë takuar vetëm 100 bileta për “Intelektualët” e saj, derisa në numër më të madh pritet të jenë “Plisat”, kur dihet që Prishtina llogaritet vendase në këtë duel.
