Istogu grumbullohet të enjtën

Skuadra që dështoi të mbijetojë në Superligë, Istogu, ka filluar të mendojë për përgatitjet për stinorin e ri.

Nëpërmjet një njoftimi nga faqja zyrtare e klubit, është thënë se këtë javë, përkatësisht të enjtën më 21 korrik, do të fillojnë përgatitjet për stinorin e ri.

Stërvija e parë e troftave, që do të udhëhiqet nga kreytrajneri Besim Podrimaj, do të mbahet në stadiumin e qytetit “Demush Mavraj” nga ora 17:00.

Istogu stinorin e fundit e kishte përmbyllur në pozitën e parafundit në radhitjen tabelare, ndërsa këtë stinor do të garojë në Ligën e Parë.