Istogu miqësisht me Trepçën

Skuadra e renditur në pozitën e fundit në Superligë, Istogu, sot ka zhvilluar një ndeshje miqësore me skuadrën që po synon sivjet të sigurojë rikthimin në Superligë, Trepçën.

Ndeshja e cila u zhvillua në fushën sintetike në Brestovik, përfundoi pa gola, megjithëse gjatë 90 minutave rastet nuk munguan.

Për të dyja skuadrat rezultati i ndeshjes ishte në plan të dytë, ndërsa trajnerët e skuadrave e shfrytëzuan këtë takim për të eksperimentuar në taktika dhe për t’i provuar edhe ata futbollistë që kanë më pak hapësira për të luajtur.