SHORTI
Kundërshtarët e Kukësit dhe Skënderbeut
9 August, 2013 @8:57
Me t’u kryer të gjitha ndeshjet kualifikuese të xhiros së tretë të Europa League, Kukësi dhe Skënderbeu kanë mësuar kundërshtarët e tyre potencial që do të zbardhen prej orës 13:00 sot në Nyon të Zvicrës.
Kështu, Skënderbeu që u eliminua në fazën e tretë kualifikuese të Ligës së Kampionëve dhe ra në Play-Off të Europa League do të mund të takohet me: Stuttgart (Gjermani), Spartak Moska (Rusi), PAOK (Greqi), Chornomorets Odesa (Ukrainë) dhe Real Betis (Spanjë).
Në anën tjetër, skuadra më e suksesshme në histori të ekipeve shqiptare në Europë, Kukësi, ka kundërshtarë potencial këto ekipe: Sheriff (Molldavi), Fiorentina (Itali) Saint-Ettiene (Francë), Trabzonspor (Turqi) dhe Rubin Kazan (Rusi).
Shorti i Europa League fillon sot në ora 13:00, ndërsa skuadra që tërhiqet e para gjatë përzgjedhjes do të jetë automatikisht vendase në ndeshjen e parë.
