MATA
REUTERS
Jam i lumtur në Chelsea
6 September, 2013 @18:34
Futbollisti 25 vjeçar, Juan Mata, i cili në stinorin e fundit ishte zgjedhur lojtari i vitit te Chelsea, ka qenë njëri prej emrave më të përfolur për një largim të mundshëm nga ekipi londinez gjatë këtij afati kalimtar.
Ai, megjithëse deri më tani është inkuadruar vetëm 65 minuta në fushë nga trajneri Jose Mourinho, insiston se është i lumtur në Chelsea.
”Është normale. Në çdo afat kalimtar bëhen spekulime, por unë jam i lumtur këtu,” ka thënë Mata për Chelsea TV.
“I kam pasur dy stinore shumë, shumë të mira këtu. Ndoshta edhe më të mirat e karrierës sime, dhe ajo që e kërkoj nga ky stinor është e njëjta,” shtoi spanjolli.
Trajneri portugez i Chelseat, Jose Mourinho, deri më tani ka preferuar më shumë të luaj me futbollistët si Oscar, Eden Hazard, Ramires e Lampard, para Juan Matas.
