Januzaj futet në listën e Ligës së Kampionëve

Kosovari Adnan Januzaj është shtuar nga David Moyes në listën e tij për Ligë të Kampionëve, si futbollist i ekipit të të rinjëve. 

Kështu, Adnani do të ketë mundësi që të debutojë edhe në garën më të madhe të futbollit ekipor europian në ndeshjen e nesërme ndaj Real Sociedadit në Old Trafford. 

Manchester United ka katër pikë nga dy ndeshjet e para, ku fitoi ndaj Bayer Leverkusenit ndërsa barazoi me Shakhtar Donetskun si mysafir. 

Kundërshtari spanjoll ndërkaq, ka rastin e fundit për t’u kthjellur pasi që ende nuk ka asnjë pikë të fituar dhe do të dojë që të shfrytëzojë maksimalisht mungesat në ekipin e David Moyesit. 

Danny Welbeck, Tom Cleverley, Nemanja Vidic dhe Rio Ferdinand pritet të jenë mungesat e Manchester Unitedit për ndeshjen e nesërme ndaj Real Sociedadit.