Jep dorëheqje

Një komunikatë për media e lëshuar nga faqja zyrtare e klubit françez, PSG, ka bërë të ditur se drejtori sportiv i klubit, braziliani Leonardo, ka ofruar dorëheqjen e tij nga ky post. 

“Na vjen keq për vendimin e tij, por e respektojmë atë. E falenderojmë për kontributin e tij, pasi që ka punuar mjaft për ta bërë PSG-në njërin ndër klubet më të mëdha në Europë,” ka shkruar në komunikatë. 

Leonardo u suspendua nga Ligue 1 deri më datën 30 qershor 2014 për shkak të sjelljes së tij ndaj referit në ndeshjen ndaj Valenciennes, në muajin maj. 

Leonardo ka filluar punën si drejtor sportiv i PSG-së në korrik të vitit 2011, pasi që kaloi një kohë të shkurtë si trajner i klubeve nga Milano, Milan dhe Inter. 

Ai do ta lë zyrtarisht detyrën me të përfunduar afati kalimtar veror.