Jovetic paguan lëndimin e bashkëkombasit

Një gjest madhor është bërë i ditur sot nga mediat e huaja, që kanë kuptuar se sulmuesi malazez i Interit, Stevan Jovetic, është duke paguar mjekimin e bashkëkombasit të tij, Milivoje Raicevic. 

Raicevic 22 vjeç, kishte lënduar ligamentet dhe ekipi i tij nuk kishte të holla ta dërgonte atë në Augsburg të Gjermanisë për mjekim. 

Me të dëgjuar këtë Jovetic i ka dalë në ndihmë bashkëkombasit të tij, duke mbuluar mjekimin dhe operimin e lojtarit, shkruan uefa.com. 

Jovetic, ka nisur karrierën në Mladost të Podgoricës, ndërsa Raicevic luan për Buducnostin. E duke ditur se këto dy ekipe janë rival të mëdhenjë lokal, e bën edhe më të veçantë tregimin human për sulmuesin e Interit.