JUVENTUS - PESCARA
Juventusi pa problem ndaj Pescarës së Memushajt
19 November, 2016 @23:22
Kampioni aktual i Italisë, Juventus, ka shënuar fitore pa shumë telashe ndaj Pescarës së Ledian Memushajt, ku ky i fundit ishte për 90 minuta në fushë.
Sami Khedira në pjesën e parë me një gol, ndërsa Mario Mandzukic dhe Hernanes me dy gola të shpejtë në fillim të pjesës së dytë kanë përfunduar dilemat e fituesit të ndeshjes për të përcaktuar rezultatin përfundimtar 3-0.
Rey Manaj ka qëndruar në bankë për 90 minuta te Pescara, që tashmë ka regjistruar disfatën e tetë të stinorit dhe duhet të luftojë shumë për të shpëtuar nga kthimi në Serie B.
