BARCA - MALAGA
Barcelona gabon, nuk e merr kreun
19 November, 2016 @18:05
Në xhiron ku njëri nga kundërshtarët për titull detyrimisht do të lëshojë pikë, pasi që përballen mes vete, Barcelona nuk ka fituar!
Katalunasit gabuan në takimin e luajtur ndaj Malagas në shtëpi, me takimin që u mbyll pa gola.
Barcelona takimin e filloi pa katërshen Rakitic-Iniesta-Suarez-Messi dhe kjo bëri që goli të mos vinte për asnjë moment, me treshen Turan-Alcacer-Neymar që u tregua e paaftë për ta zhbllokuar ndeshjen. Suarez mungoi për shkak të suspendimit, Iniesta është i lënduar, ndërsa Messi raportohet të ketë pasur një sëmundje të lehtë.
Meritë për këtë barazim të Malagas ka edhe portieri Kameni, i cili zhvilloi një paraqitje fenomenale. Për t’u përmendur është edhe fakti që Malaga nga minuta e 68’ ishte me një lojtar më pak në terren, ndërsa fare në fund për ta erdhi edhe përjashtimi i dytë, mirëpo pa efekt në rezultatin përfundimtar.
Me një fitore të mundshme sot, Barcelona do të kalonte në krye të La Ligas, mirëpo kjo nuk ndodhi.
