KISHNICË
Kampioni pa fitore ende
23 August, 2014 @19:11
Hajvalia dhe Llamkos Kosova, në ndeshjen e përcaktuar si derbi i ditës së sotme në kuadër të xhiros së dytë të Superligës, ka përfunduar me barazim 1-1.
Kështu, kampioni i Kosovës, Llamkos Kosova, vazhdon të mbetet pa fitore edhe pas xhiros së dytë të kampionatit, pasi që humbi në ndeshjen e parë.
Ekipi i Ismet Munishit nuk ia nisi mirë, kur brenda 20 minutave të para Bashkim Shala shënoi autogol, për epërsinë e parë të vendasve të Hajvalisë.
Mirëpo, atëherë kur në Kishnicë pritej të përfundonte pjesa e parë, Labinot Osmani del në skenë për të shënuar për barazim - që në fund doli të jetë edhe rezultati përfundimtar i ndeshjes.
Hajvalia vazhdon pa humbje, pas fitores së madhe në xhiron e parë.
REZULTATET, TABELA DHE NDESHJET E RADHËS.
