PEJË
Fatih Karahoda, me fanellën e Vëllaznimit.
Karahoda, përforcimi i radhës te Besa
5 July, 2014 @0:00
Klubi i futbollit Besa, nuk po ndalet së përforcuari. Ekipi bardhë e kuq nga Peja pasi i kompletoi transferimet e lojtarëve si Dukagjin Gashi, Premton Muja e Nikollë Dushi, sot e kompletoi edhe një transferim shumë të rëndësishëm.
Pjesë e pejanëve për edicionin 2014/15 do të jetë edhe sulmuesi i spikatur prizrenas, Fatih Karahoda, i cili së fundi ka luajtur me skuadrën nga Drenasi, Ferronikeli.
Lajmi është bërë i ditur nga faqja zyrtare e Besës në Facebook.
Besa është njëra prej skuadrave të para të Superligës që veçse i ka filluar përgatitjet për stinorin e ri, ndërsa me përforcimet e kryera deri më tani, si dhe me përforcimet e tjera të paralajmëruara, padyshim se do të jetë njëra prej skuadrave që do ta ketë fjalën kryesore në luftë për titull.
