Kasami kthehet në Itali

Futbollisti shqiptar me pasaportë zvicerane, Pajtim Kasami, pas një vit e gjysmë të kaluar në Premier League, është rikthyer në Serie A. Mesfushori i Fulhamit është transferuar te skuadra e Pescaras.

Lajmi është publikuar nga mediat italiane, ndërsa shumë shpejtë pritet të konfirmohet edhe nga klubet.

Kasami, i lindur në Strugë, ishte spekuluar se do të transferohet në Milan, pasi u realizua transferimi i Urby Emanuelsonit nga Milani në Fulham.

Futbollisti 20 vjeçar këtë stinor ka pasur shumë pak hapësirë në Fulham, ndërsa tani me transferimin e tij në Pescara, shpreson të luaj më shumë.

Kasami në Itali më parë kishte luajtur për skuadrën e Palermos.