TALENTI KOSOVAR
Bundesliga.de
Kastrati kalon në Aue
11 January, 2013 @15:24
Flamur Kastrati, kosovari i lindur në Norvegji, është transferi më i ri i ekipit të Bundesliga 2, Aue Erzebrige.
Kështu ka njoftuar sot faqja zyrtare e ligës gjermane.
Sulmuesi i përfaqësueses U-21 të Norvegjisë, Kastrati ka kaluar te Aue nga rivali i saj, Duisburg si transfer i lirë.
Tash ai ka nënshkruar kontratë me ekipin e tij të ri deri në fund të qershorit të vitit 2015.
Drejtori sportiv i Aues Steffen Heidrich ka vetëm fjalë të mira për atë, pas arritjes së marrëveshjes.
“Atë e kemi kërkuar shumë më heret, mirëpo më në fund dëshira na u plotësua. Ai do të shtojë forcën e sulmit të ekipit dhe do ta mbajë në fanellë numrin 9 të ekipit tonë,” ka thënë Heindrich gjatë prezentimit të Kastratit 21 vjeçar për faqen zyrtare të ligës së dytë gjermane.
