Kastriot Rexha çon ‘Niklin në gjysmëfinale

Ka mjaftuar një gol që Feronikeli të mposht Ferizajin dhe të kalojë në gjysmëfinale të Kupës së Kosovës.

Kastriot Rexha me golin e shënuar në minutën e njëzetë të ndeshjes, pas asistimit të Përparim Islamit, ka bërë që Feronikeli të kalojë në epërsi heret dhe të kontrollojë ndeshjen deri në fund të saj.

Tentimet e Feronikelit nuk u ndalën me kaq, por portieri i Ferizajit Armend Blakçori ka mbrojtur shumë mirë sot duke bërë që skuadra e tij të mos pësojë më shumë.

SKEMA E KUPËS SË KOSOVËS

Ferizaji me këtë humbje eliminohet nga Kupa e Kosovës dhe pritet të koncentrohet në mbijetesë në Superligë me trajner Bylbyl Sokolin.

Në anën tjetër, Feronikeli do të pres të sheh gjysmëfinalistët tjerë që përcaktohen nesër dhe pastaj në short të kuptojë kundërshtarin e radhës që e pret në katërshen kryesore të garës më masovike në vend.