LAZIO - EMPOLI
Lazio kalon Milanin, arrin zonën Champions
7 February, 2019 @22:28
Lazio do të vazhdojë t’i bëj presion të gjitha skuadrave që dëshirojnë një vend në Ligë të Kampionëve stinorin që vjen.
Sonte, biancocelestët kanë arritur edhe një fitore pas asaj ndaj Interit në Kupë dhe Frosinones në ligë, duke e mposhtur Empolin në Olimpico me rezultat minimal 1-0.
Golin e vetëm të ndeshjes e shënoi Felipe Caicedo nga penalltia, ndërsa për Lazion që nga fillimi i ndeshjes në fushë ishte Valon Berisha që luajti 77 minuta, pastaj Thomas Strakosha në portë që përsëri nuk pranoi gol, derisa Riza Durmisi dhe Sergio Kalaj qëndruan në bankë.
Me këtë fitore Lazio ka dalë mbi Milanin në klasifikim të Serie A-së, me një ndeshje më shumë të zhvilluar.
