KUNDËRSHTARËT E SHQIPËRISË
Katanec në krye të sllovenëve
2 January, 2013 @17:55
Përfaqësuesja e Sllovenisë në vitin 2013 ka hyrë me përzgjedhës të ri. Kundërshari i Shqipërisë në kualifikimet për Kampionatin Botëror, ka emërtuar trajnerin Srecko Katanec si përzgjedhës i përfaqësueses.
Sllovenia që nga 9 dhjetori i vitit që e lëmë pas kishte mbetur pa përzgjedhës të përfaqësueses, pasi që trajneri Slavisa Stojanovic ishte shkarkuar pas rezultateve jo të kënaqshme dhe sidomos pas humbjes së fundit, ku sllovenët ishin mposhtur nga Shqipëria me golin e vetëm të Odise Roshit, në stadiumin e Qemal Stafës.
Kundërshtari i ri i Gianni De Biasit, Katanec, edhe në vitet 1998-2002 ka qenë përzgjedhës i Sllovenisë, derisa gjatë karrierës së tij ka drejtuar edhe përfaqësueset e Emirateve të Bashkuara Arabe dhe atë të Maqedonisë.
Pas 4 ndeshjeve të luajtura në kualifiket për Kampionatin Botëror, Sllovenia, e cila gjendet në grupin E së bashku me Shqipërinë, ka vetëm 3 pikë, derisa kuqezinjtë kanë 6 pikë.
