KBF BASHKIMI - KBF VËLLAZNIMI
KBF Bashkimi në formë, kalon lehtë Vëllaznimin
25 February, 2022 @22:12
Vashat e Bashkimit kaluan lehtë pengesën e Vëllaznimit.
Skuadra prizrenase e nisi ndeshjen me një seri prej 27-0 dhe nuk e lëshoi më kontrollin deri në fund për ta mposhtur kundërshtaren me rezultat 99-46.
Vesa Krasniqi me 26 pikë e 11 kërcime ishte më e mira te Bashkimi. Krasniqi u ndihmua edhe nga Aulona Muhadri me 19 pikë e 19 kërcime, Merisa Bilalli me 19 pikë dhe Besjana Martinaj me 12 sosh.
Te Vëllaznimi u veçuan Kendra Williams me 19 pikë dhe Festa Bicurri me 14 pikë.
Bashkimi përkohësisht ngritet në pozitën e dytë me 11 fitore e 5 humbje, kurse Vëllaznimi gjendet në pozitën e pestë me 4 fitore e 12 humbje.
Në xhiron tjetër Bashkimi e pret Kastriotin në Prizren, derisa Vëllaznimi e pret Penzën në Gjakovë.
