Klasikja e Championsit, Galatasaray - Man United me gjashtë gola

Në një atmosferë frenetike të përgatitur në Stamboll, Galatasaray dhe Manchester United kanë dhënë një shfaqje të paharrueshme të Ligës së Kampionëve.

Manchester United kishte epërsinë 0-2 brenda 20 minutave të para të lojës, më pas arriti në 1-3, mirëpo një gabim i portierit Onana në golin e dytë të turqve i ktheu ata në lojë dhe bëri që zëvendësuesi Kerem Akturkoglu të barazojë me një supergol duelin në 3-3 [Ziyech 29’, 62’, Kerem 71’ - Garnacho 11’, Bruno 18’, McTominay 55’], që doli të jetë rezultati përfundimtar i ndeshjes.

Pas kësaj, edhe disa raste kishin të dyja palët, por rrjetat nuk u tundën më në duelin ku secili ekip kërkonte fitoren, duke ditur se Bayern ka siguruar kualifikimin ndërsa për një vend tjetër për kualifikim tutje, luftojë tre ekipe.

TABELA AKTUALE:

1. Bayern 12p.
2. Galatasaray 5p.
3. Manchester United 4p.
4. Copenhagen 4p.

Bayern dhe Copenhagen ndeshen sonte, në duelin e pestë të grupit. Në xhiron e fundit takohen: Manchester United - Bayern dhe Copenhagen - Galatasaray.