Vini Jr. renovon me Real Madridin

Tre ditë pas triumfit në El Clasico, Real Madrid ka zyrtarizuar vazhdimin e kontratës me mesfushorin e krahut, këmbëshpejtin brazilian Vinicius Junior. Ai kishte arritur në Real Madrid si 18 vjeçar dhe tashmë ka 235 ndeshje të luajtura me 63 gola dhe nëntë tituj të fituar: 1 Ligë të Kampionëve, 2 Kupa të Botës për klube, 1 Superkupë evropiane, 2 La Liga, 1 Copa del Rey dhe 2 Superkupa të Spanjës.

“Real Madrid dhe Vini Jr. kanë arritur marrëveshje për të vazhduar kontratën, që e mban futbollistin të lidhur me klubin deri më 30 qershor 2027,” ka shkruar komunikata e ekipit madrilen sot.