Knock Out Barça!

Real Madrid është finalisti i parë i Kupës së Mbretit. Madrilenët e mposhtë rivalin e përbetuar, Barcelonën, me rezultat 1-3 dhe atë para shikuesve katalonas të cilët e mbushën përplotë shkallët e stadiumit Nou Camp.

Goli i parë i ndeshjes erdhi nga portugezi Cristiano Ronaldo, i cili pas një depërtimi në zonë të reptësisë u ndal në mënyrë të palejuar nga Gerard Pique, derisa Ronaldo ishte ai i cili shënoi nga penallti për 1-0 në minutën 13’.

Rezultati u dyfishua në minutën 57’, kur goditja e Di Marias u kthye nga portieri vendas, derisa Ronaldo në pozitë të volitshme shënoi golin e dytë.

Njëmbëdhjetë minuta më vonë ishte 18 vjeçari Raphael Varane, i cili e trefishoi epërsinë duke shënuar me kokë.

Pak para fundit të ndeshjes, Jordi Alba i Barcelonës shënoi për rezultatin final 1-3, duke bërë që ekipi i tij të ngushëllohet me këtë gol.

Në finale të Kupës së Mbretit, që do të luhet më 18 maj, Reali do të përballet me fituesin e përballjes Atletico Madrid - Sevilla.

REZULTATI