Rezultati real!

Interi arriti të kthehet në lojë pas dominimit të Milanit në pjesën e parë të ndeshje dhe me golin e Ezequiel Schelottos, anuloi epërsinë e Stephan El Shaarawyt. 

“Në përgjithësi, ka qenë rezultat i drejtë. Milan tregoi lojë të mrekullueshme në pjesën e parë, ndërsa në pjesën e dytë Interi doli me një shpirt tjetër. Duke i falenderuar edhe mbrojtjeve të Samir Handanovicit, rezultati i barabartë është i drejtë,” ka thënë trajneri i Interit, Andrea Stramaccioni pas ndeshjes në konferencën për shtyp. 

Milan pas barazimit ndaj Interit, rrezikon pozitën e tretë në tabelë, të cilën sonte mund ta rrëmbejë Lazio nëse e mposht Pescarën.