Barazojnë

Inter dhe Milan kanë ndarë pikët në derbin e madh të Milanos sonte. Derbi della Madonnina ka parë Milanin të avancojë me golin e faraonit, Stephan El Shaarawy, në pjesën e parë të ndeshjes, si dhe mbrojtje maestrale të portierit të Interit, sllovenit Samir Handanovic.

Në pjesën e dytë i ardhuri nga Atalanta, Ezequiel Schelotto, ka barazuar për Interin, derisa në fund të ndeshjes Inter ka duruar presionin e rossonerëve për të mos pësuar.

Andrea Stramaccioni ka qenë në presion të madh pas humbjes nga Fiorentina, derisa Massimiliano Allegri ka pasur luksin për cfarëdo rezultati, pas fitores madhore ndaj Barcelonës. E barazimi, duket se ishte relaksues për të dy trajnerët.