Konfirmohet te Barcelona

Arda Turan, mesfushori 28 vjeçar i Atletico Madridit, është konfirmuar të ketë nënshkruar kontratë 5 vjeçare me Barcelonën. 

Njoftimin e ka dhënë menaxheri i lojtarit, Ali Bulut, i cili ka bërë të ditur se fantazisti turk do të vesh fanellën e Barcelonës në stinorin e radhës.

“Kemi nënshkruar marrëveshje 5 vjeçare. Barcelona do të paguajë 34 milionë euro drejt Atletico Madridit. Arda është i lumtur. Çdo futbollist nuk mund të arrijë këtë. Këtë javë, do të nënshkrujmë edhe zyrtarisht para mediave. Jo, me Chelsean nuk kemi pasur asnjë takim,” ka thënë ndër të tjera, Bulut, përcjellin mediat turke tash. 

Njoftimin disa minuta më vonë e zyrtarizoi edhe Barcelona duke i dëshiruar mirëseardhje në gjuhën turke lojtarit në fjalë.