Kontratë e re për sulmuesin

​Vazhdojnë lajmet e mira për liderin e Premier Ligës. Pas fitores në Etihad Stadium, skuadra e Leicester Cityt konfirmon zyrtarisht që sulmuesi anglez Jamie Vardy ka nënshkruar kontratë të re, e cila e mban atë me skuadrën e “dhelprave” deri në qershorin e vitit 2019.

I lumtur për kontratën e re, Jamie Vardy u shpreh:

“Jam shumë i lumtur për kontratën e re dhe për atë që po bëjmë këtë sezon me klubin. Po luftojmë që të arrijmë diçka të madhe këtë sezon. Dua të jem pjesë e këtij klubi për një kohë të gjatë.”

Jamie Vardy këtë sezon ka shënuar 18 gola në 25 xhirot e zhvilluara në Premier League dhe prin në listën e golashënuesve.