Kosova e Shqipëria, s’luajnë nga vendi

Përfaqësuesja e Kosovës edhe në muajin e dytë të përfshierjes në renditjen e FIFA-së, është në pozitën 190.

Pasi që nuk ka zhvilluar ndeshje, e as rivalët nën nuk kanë qenë të angazhuar, Kosova ka ruajtur pozitën e 190-të në mujoren e FIFA-së, të botuar sot nga FIFA për muajin gusht. 

As Shqipëria nuk ka lëvizur nga pozita e 37-të, ku ka qenë në muajin korrik pas përfundimit të europianit, Franca 2016.

Lëvizje nuk ka pasur as në TOP 10-shen e botës, ku Argjentina mbetet numri një i listës, ndërsa Belgjika, Kolumbia, Gjermania e Kili përcjellëse.