Bilic lëvdon Conten para duelit

Trajneri i Chelseat, Antonio Conte, do të debutojë në detyrën e tij në Premier Ligë ndaj West Ham Unitedit të hënën në “Stamford Brigde”.

Ndërsa në konferencën për shtyp të ‘çekanëve’ të Londrës, trajneri kroat Slaven Bilic ka lëvduar kolegun e tij nga ekipi rival.

“Nuk do të nënshkruajmë me Alex Lacazetten. Do ta marrim sulmuesin argjentinas, Jonathan Calleri. Dimitri Payet është në super formë edhe përkundër europianit që kishte,” ka njoftuar së pari Bilic, para se të shtonte.

“Conte është trajner i madh. Ai ka dëshirë të ndërrojë mënyrën e pamjes së lojës te ekipi i tij. Jam i sigurt se ai do të bëj punë të mirë aty. Mirëpo, ne kemi pasur rezultate të mira me ekipet e mëdha dhe ka qenë një përvojë e mirë kjo,” ka thënë Bilic.