“Kosovës i duhen ndeshje të tilla”

Sot do të luhet ndeshja e madhe ndërmjet Prishtinës dhe Sivassporit. Ish futbollisti legjendar dhe tashmë kryetrajneri i Sivassporit, Roberto Carlos, në konferencën për shtyp para ndeshjes dha deklarata të rëndësishme në lidhje me rëndësinë e kësaj ndeshjeje.

“Falënderoj kryetarin e klubit të Sivassit që na e ka mundësuar këtë lojë, sepse e di që populli i Kosovës ka nevojë të shoh këso ndeshje dhe i kuptoj në gjendjen në të cilën janë. Uroj të jetë ndeshje e mirë, ku edhe ne do të mësojmë gjëra të reja si nga vizita dhe nga vetë ndeshja. Të njëjtën gjë, mikpritje dhe ndeshje kthyese do ta kemi edhe në Sivas. Ndërsa, ndeshja e nesërme pres të jetë e pëlqyer nga publiku dhe me shumë gola të shënuar,” tha Carlos.

Ai gjithashtu shtoi se ashtu siç ka qenë si futbollistë që ka luajtur për çdo ndeshje për fitore, ashtu do të veproj edhe nesër, pra ta fitojë ndeshjen, megjithëse e rëndësishme për të është edhe që ndeshja të jetë me shumë gola dhe e pëlqyer nga publiku.

Ndeshja Prishtina - Sivasspor fillon sot nga ora 17:00.