Kritikët dyshojnë te Benitezi

Trajneri i ri i Real Madridit, Rafael Benitez, mund të mos jetë njeriu më i duhur për këtë detyrë. 

Së paku, kështu komenton analisti i futbollit spanjoll, Ben Hayward, që dyshon në aftësinë e teknikut spanjoll duke u bazuar në historinë e tij me ekipet tjera. 

Në anën tjetër, ai përmend se Carlo Ancelotti ka arritur që stinorin e shkuar me Real Madridin të fitojë 4 trofe brenda një viti kalendarik - gjë të cilën nuk e ka arritur askush në 113 vite të historisë së klubit mbretëror. 

“Na duhet një impuls i ri në ekip,” ka thënë Florentino Perez kur njoftoi për largimin e Carlo Ancelottit nga skuadra pas dy vjetëve bashkëpunim. 

Benitez nuk ka fituar asnjë titull kampioni në dekadën e fundit si trajner, derisa arritjen më të madhe e kishte me Liverpoolin, kur fitoi Ligën e Kampionëve në finalen e famshme të Stambollit në vitin 2005.