Kroacia fiton miqësoren e parë

Në miqësoret përgatitore në prag të Euro2016, Kroacia ka shënuar fitore me rezultat 2-0 ndaj përfaqësueses së Izraelit në ndeshjen e zhvilluar në Osijek. Golat e fitores për skuadrën kroate u shënuan nga dy mesfushorët e skuadrës së Interit, Perisic e Brozovic.

Rezultati mund të thellohej edhe më tepër, mirëpo terreni i mbushur me ujë për shkak të shiut ndikoi keq në moskonkretizimin e rasteve.

Miqësoren e ardhshme Kroacia e zhvillon ndaj Hungarisë të shtunën, ndërsa në kampionatin evropian e pret një punë e vështirë në grupin D, aty ku bëjnë pjesë edhe Spanja, Turqia e Çekia.