SHKARKOHET
REUTERS/Arkiv
Kroacia largon trajnerin
9 September, 2015 @13:54
Niko Kovac më nuk është trajner i reprezentacionit kroat, ka bërë të ditur Jutarnji sot. Ai do të zëvendësohet dy xhiro pa përfunduar cikli kualifikues për EURO 2016, derisa si arsye është marrë humbja e fundit e ekipit nga Adriatiku prej Norvegjisë 2-0.
“Në kuartalin e parë të vitit ishim në vend të parë në grup, ndërsa tash jemi në vend të tretë,” ka thënë ndër të tjera kreu i Federatës së Futbollit të Kroacisë (HNS), Davor Suker, në konferencë për shtyp sot, transmeton gazeta në fjalë.
Norvegjia mposhti Kroacinë të dielën që shkoi 2-0 me golat e Berget dhe Çorluka (AG). Kroacia nuk ka fituar në tre ndeshjet e fundit duke barazuar ndaj Italisë, 1-1 dhe Azerbejxhanit 0-0, ndërsa së fundi edhe humbja erdhi si kapak.
Drejtuesit e HNS-së kanë bërë të ditur se më 21 shtator do të publikohet emri i trajnerit të ri të përfaqësueses kroate.
