KROACIA-FINLANDA
Kroacia shkarkon selektorin, kualifikimi në rrezik
7 October, 2017 @9:27
Pas barazimit të befasueshëm mbrëmë për kroatët ndaj Finlandës, 1-1, në kuadër të Grupit I kualifikues për Botëror, Ante Cacic më nuk është përzgjedhës i Kroacisë.
Njoftimin e kanë dhënë mediat kroate sot në mëngjes, ndërsa Cacicit do t’i gjehet një zëvendësues shpejt për ndeshjen e pasnesërme ndaj Ukrainës - vendimtare për renditjen përfundimtare në grup.
Në rast se Kroacia siguron së paku barazhin, që do të thotë e mposht Ukrainën si mysafire, atëherë selektorit të përkohshëm do t’i vazhdohet kontrata.
Sa i përket ndeshjes së mbrëmshme, Kroacia e nënçmoi Finlandën dhe kur çdonjëri mendonte se mjaftonte goli i Mario Mandzukicit për të mbajtur kreun, Pyry Soiri, ka barazuar në minutën e fundit të takimit, për 1-1 duke e lënë Federatën pa gjumë, njofton Sportske Novosti, për të marrë vendimin për largimin e Cacicit rreth orës 2 të mëngjesit të sotëm.
Përndyrshe, në Grupin I, në grup ku bën pjesë edhe Kosova, Islanda, Ukraina dhe Kosova janë ende me trajnerët që kanë nisur kualifikimet. Të tjerët, të gjithë e kanë ndërruar.
