Kroacia s’mposhtet në Beograd

Njëra prej ndeshjeve që kishte më së shumti interesim ishte ajo ndërmjet Serbisë dhe Kroacisë, e cila u zhvillua në stadiumin e Crvena Zvezdas në Beograd.

Takimi përfundoi me rezultat të barabartë 1-1, derisa asnjëra prej skuadrave nuk arriti ta përmbyll takimin me 11 lojtarë.

Goli i parë i ndeshjes u shënua nga sulmuesi i Bayern Munchenit, Mario Mandzukic, i cili realizoi në minutën 53’ pas asistimit të Darijo Srnas.

Në minutën 66’ sulmuesi serb Aleksandar Mitrovic e barazoi rezultatin, duke përcaktuar kështu edhe rezultatin përfundimtar të ndeshjes.

Ndërsa në vijim të takimit, në vend të golave kishte kartona të kuq, pasi Nemanja Matic në minutë 75’ dhe pesë minuta më vonë Josip Simunic i lanë skuadrat e tyre me nga një lojtar më pak.

Me këtë humbje, Serbia i ka humbur gjasat edhe matematikisht për kualifikim në Botëror, derisa Kroacia, e cila gjendet në pozitën e dytë të grupit A me pesë pikë më pak se Belgjika, ka siguruar vendin e dytë, i cili siguron playoffin për t’u kualifikuar në Botëror.