Kujdes nga Barça!

Bayern theu spanjollët në ndeshjen e parë gjysmëfinale të Ligës së Kampionëve, 4-0. Barcelona mbeti e shtangur në Allianz Arena dhe tashmë pret ndeshjen e kthimit me shpresa tepër të vogla. 

Mirëpo, kryetari i nderit i Bayern Munchenit, Franz Beckenbauer, i ka paralajmëruar gjermanët se Barcelona do të provojë çdo trik ndaj bavarezëve. 

“Ata do të provojnë gjithçka për të nxjerrë nga takti Bayernin. Do t’i provojnë metodat e ndryshme, çdo gjë që është e lejuar dhe çdo gjë që është e ndaluar. Ata do të mbrojnë veten sepse Bayern u ka prekur nderin,” i ka thënë Beckenbauer të përditshmes gjermane, Bild. 

Bayern është duke kërkuar finalen e tretë në katër vitet e fundit të Ligës së Kampionëve. Bayern dy finalet, atë të vitit 2010 dhe 2012, i ka humbur.