Kukeli e Xhimshiti, baraz me Xhakën

Burim Kukeli dhe Berat Xhimshiti me Zurichun, kanë barazuar sonte në ndeshje ndaj Borussia Monchengladbachut, ku luan Granit Xhaka. 

Barazimi në këtë ndeshje, nuk i ka konvenuar asnjërës palë, pasi që dy skuadrat tjera të Grupit A, Villareal dhe Apollon janë duke udhëhequr grupin aktualisht. 

Golat në takim u shënuan shpejtë. Menjëherë pasi që Zurich morri epërsinë përmes kamerunasit, Franck Etoundi, gjermanët barazuan prëmes norvegjezit, Havard Nordtveit dhe deri në fund të ndeshjes më nuk kishte ndryshim rezultati, derisa të gjithë futbollistët shqiptarë në takim luajtën nga 90 minuta. 

Zurichu i Kukelit dhe Xhimshitit është i fundit në tabelën e Grupit A pas dy xhirove me vetëm një pikë të fituar, pas Villarealit (4 pikë), Apollonit (2 pikë) dhe Borussia Monchengladbachut (2 pikë)