Kundërshtarët e mundshëm të Dritës në UCL

Pasi e siguroi titullin kampion, tashmë skuadra e Dritës duhet të fillojë të mendojë për fazën e parë parakualifikuese të Ligës së Kampionëve.

Sipas rregullave të reja, Drita do të jetë pjesë e një mini-turneu parakualifikues që do të mbahet në Gjibraltar, ku pjesëmarrës do të jenë kampioni i Andorrës, FC Santa Coloma, kampioni i Gjibraltarit, FC Lincoln Red, dhe kampioni i San Marinos, i cili nuk dihet ende.

Ndeshjet zhvillohen sipas sistemit knock-out, pra nuk ka ndeshje kthyese.

Më 26 qershor do të luhen ndeshjet gjysmëfinale të këtij mini-turneu, kurse finalja do të luhet më 29 qershor.

Shorti, ku Drita do ta kuptojë kundërshtarin e saj, do të mbahet më 12 qershor.