Lapadula shkëlqen, Peru eliminon Paraguajin dhe arrin gj’finalen

Peru është gjysmëfinalistja e parë e Copa America 2021, pasi që ka arritur të mposht Paraguajin pas penalltive.

Ndeshja në kohë të rregullt përfundoi me rezultat 3-3 [Lapadula 21, 40, Yotun 80 - Gomez 11, Alonso 54, Avalos 90] ku ish sulmuesi i Milanit Gianluca Lapadula shënoi dy herë derisa paraguajasit pas 3-2, kanë arritur të barazojnë në minutën e fundit të kohës së rregullt pas një karambolli në mbrojtjen peruane.

Sidoqoftë, barazimi nuk ua preu këmbët Perusë, derisa aata ishin më të saktë në penallti, duke mposhtur paraguajanët 4-3, pas 6 serive të penalltive, për të siguruar gjysmëfinalen e Copa America 2021 dhe tani aty presin fituesin e derbit çerekfinal, Brazili-Kili që nis pas pak.