SPURS
Largon Alderweireldin për t’i hapur rrugë mbrojtësit të Atalantës
28 July, 2021 @1:31
Skuadra e Tottenhamit ka arritur marrëveshje për shtijen e mbrojtësit Toby Alderweireld drejt ekipit Al-Duhail.
Marrëveshja do t’i hapë rrugë Tottenhamit për të bërë gati transferin e mbrojtësit të Atalantës, Cristian Romero.
Derisa nga shitja e belgut ekipi tashmë ka liruar hapësirë në fair-playin financiar rreth 15 milionë euro, çmimi i Romeros llogaritet të sillet rreth 55 milionë euro, kanë bërë të ditur mediat italiane sot.
Sipas mediave të atjeshme, Tottenham deri tash ka arritur te shifra e 40 milionë eurove ofertë për argjentinasin, që fitoi Copa America këtë verë me gauchosët.
