Lazio me Berishën në portë, barazon

Lazioja nuk ka arritur të sigurojë fitore në ndeshjen e parë si vendas në Olimpico ndaj Napolit. 

Ndeshja e parë e vlefshme për gjysmëfinalen e Kupës së Italisë ka përfunduar me barazim 1-1, derisa Lazio erdhi në epërsi përmes gol-makinës gjermane Miroslav Klose, që nuk njeh moshë, ndërsa napolitanët barazuan përmes të transferuarit nga Sampdoria, Manolo Gabbiandini. 

Etrit Berisha, portieri i kombëtares shqiptare,  ka mbrojtur sonte portën laciale.

Ndeshja e kthimit ndërmjet këtyre dy skuadrave zhvillohet pas një muaji, më 8 prill në San Paolo të Napolit, ku pritet të përcakohet finalisti i Kupës së Italisë. 

Çiftin tjetër gjysmëfinal e përbëjnë, Juventus-Fiorentina, që ndeshjen e parë e luajnë në Juventus Stadium nesër.