DRITA - KEK-u
Lehtë për kampionin
3 April, 2019 @16:07
Në një takim pa shumë histori në Gjilan, kampionja në fuqi e Kosovës, Drita, shënoi fitore të padiskutueshme dhe të thellë ndaj skuadrës së KEK-ut.
Epërsia e gjilanasve vonoi deri 3 minuta para përfundimit të pjesës së parë, moment në të cilin Kyrian Nwabueze shënoi për 1-0, derisa tre golat e tjerë të Dritës u shënuan në pjesën e dytë dhe ndeshja u mbyll me fitore të thellë 4-0.
Fitorja e shënuar sot e mban Dritën të qetë në mesin e tabelës, kurse KEK-u është shumë pranë që ta sigurojë edhe matematikisht rënien në Ligën e Parë të Kosovës.
Xhiron e ardhshme, Drita e luan derbin e qytetit ndaj Gjilanit, derisa KEK-un e pret një punë e vështirë ndaj Llapit në Obiliq.
