Leonardo, opcion i Interit

Pas shkarkimit të Marco Brancas nga pozita e drejtorit sportiv të Interit, pronari i skuadrës Erick Thohir shkruhej se do ta sillte shqiptarin Igli Tare në këtë pozitë. 

Mirëpo, sot Foot Italia ka botuar një njoftim ku thuhet se Thohir është duke e konsideruar seriozisht brazilianin Leonardo në këtë pozitë. 

Përveç ish drejtorit sportiv të PSG-së Leonardo, edhe drejtori sportiv i Romës, Walter Sabatini si dhe ai i Atalantas, Pierpaolo Martino janë opcione të mundshme për zikaltërit. 

Inter është duke e përjetuar një stinor jo të pritur në Serie A, duke mos shënuar rezultate të mira. Mbrëmë Inter ka shënuar fitoren e parë në vitin 2014 në kuadër të Serie A duke e mposhtur Sassuolon me rezultat minimal 1-0.