PAS NDESHJES
Leonit Abazi flet pas ndeshjes ku shënoi dy gola
19 February, 2021 @19:56
Leonit Abazi padyshim ishte lojtari i ndeshjes në duelin e sotëm ndërmjet Arbërisë dhe Prishtinës.
Futbollisti i krahut të majtë shënoi dy gola në këtë përballje, derisa skuadra e tij Prishtina fitoi me rezultat të thellë 0-4.
Lidhur me këtë fitore dhe golat e shënuar nga ai, Abazi foli pas ndeshjes për faqen zyrtare të bardhekaltërve.
“E kishim paraparë ndeshje të vështirë, andaj e kishim marrë shumë seriozisht. Nuk jam i kënaqur vetëm me dy golat e mi, por jam i kënaqur me tërësinë e ekipit tim, me ecurinë që e kemi dhe po ndjehem shumë i lumtur. Jo, nuk e kishim mendjen te Drita gjatë pjesës së dytë, por rezultatin që e kishim sikur na dha lehtësi, por tash pas përfundimisht të ndeshjes, natyrisht që fokusin e kemi vetëm te përballja e së mërkurës, ashtu siç mendojmë për çdo ndeshje të radhës,” tha 27-vjeçari.
Abazi aktualisht ka 3 gola të shënuara në Superligë.
LISTA E GOLASHËNUESVE NË SUPERLIGË