2 KORRIKU - VUSHTRRIA
Lideri deklasohet në kryeqytet
27 April, 2019 @17:58
Një rezultat tejet befasues ka ardhur sot nga Liga e Parë e Kosovës në futboll.
Skuadra e Vushtrrisë, liderja e kampionatit, është mposhtur me rezultat të thellë 4-0 nga skuadra e 2 Korrikut në Prishtinë.
Pjesa e parë u mbyll 0-0, derisa prishtinasit shënuan plot 4 herë në pjesën e dytë, për ta mposhtur kështu me rezultat të thellë skuadrën që sipas të gjitha gjasave do të jetë në Superligë sezonin e ardhshëm.
Për fat të mirë të Vushtrrisë, humbje sot pësoi edhe Besa e vendit të dytë, e cila gjithashtu humbi në kryeqytet, nga skuadra e Ramiz Sadikut.
