LIVERPOOL - HUDDERSFIELD
Liverpooli nuk gabon, presioni te City
26 April, 2019 @22:46
Skuadra e Liverpoolit e kaloi me lehtësi pengesën e Huddersfield Townit, duke e mposhtur me rezultat të thellë 5-0.
Djelmoshat e Kloopit, ia nisën ndeshjes si rrufe, ku në sekondën e 16-të kaluan në epërsi përmes Naby Keitas.
Dy gola të tjera në pjesën e parë erdhën nga Sadio Mane dhe Mohamed Salah.
Në pjesën e dytë rezultatin e përcaktuan dyshja Mane e Salah, duke shënuar edhe nga një gol, për tu vendosur kështu në krye te top golashënuesit më të mirë në Premier League me nga 21 dhe 20 gola të shënuara.
Në minutën e 75’, pas një kohe të gjatë për Liverpoolin u inkuadrua edhe Xherdan Shaqiri në lojë.
Liverpooli me këtë fitore rimerr lidershipin përsëri me një ndeshje më shumë, derisa presioni do të jetë te Manchester City që e ka ndeshjen si mysafir kundër Burnleyt.
Deri në fund të Premier Leagues, kanë mbetur edhe dy ndeshje, ndërsa mbetet të shihet se kush do të shpallet kampion në fund.
