LIVERPOOL - CRYSTAL PALACE
Lideri ‘lëkundet’, por s’lejon befasi
19 January, 2019 @18:03
Një ndeshje mjaft interesante u zhvillua sot në Anfield Road!
Të pranishmit në stadiumin e Liverpoolit panë gjithsej 7 gola, e në fund fitores iu gëzua skuadra lidere e tabelës.
Befasisht, të parët në epërsi kaluan mysafirët nga Londra me golin e Townsend, duke bërë që pjesa e parë të mbyllet me rezultat 0-1 në të mirë të Crystal Palace.
Mirëpo, ‘Të Kuqtë’ reaguan me të filluar pjesa e dytë, me dyshen e zakonshme Salah e Firmino që e përmbysën rezultatin në 2-1. Më pas, Tomkins e riktheu edhe një herë skuadrën nga Londra në lojë duke barazuar në 2-2, para se Liverpooli ta vuloste përfundimisht fitoren me dy gola të tjerë. Fare në fund, epërsia e vendasve u ngushtua në 4-3, rezultat ky që doli të ishte përfundimtari i takimit.
Me këtë fitore, Liverpooli ngrit diferencën ndaj Cityt në 7 pikë, mirëpo ky i fundit nuk e ka zhvilluar ende ndeshjen e tij. Në anën tjetër, Crystal Palace momentalisht ndodhet jashtë zonës së rrezikshme.
